Дунёнинг биринчи ракеткаси серб Новак Жокович Римда (Италия) "Мастерс" туркумига кирувчи турнир финалида ғалаба қозонгач, "Милан" футбол клубига бўлган мухлислиги ҳақида гапирди.

Сербиялик "россонерилар"га мамлакат чемпионлигини тилади.

“Мен “Милан” мухлисиман. Менежерим ҳам жамоанинг ақлдан озган мухлиси. Шунинг учун, бу кичик гуруҳда бизда умумий бирлик бор. Умид қиламизки, Италия чемпионлигини ютамиз.

Барча “Милан” мухлислари каби биз ҳам шундай умид қиламиз, аммо олдинда ҳали иккита ўйин бор”, — деди Жокович матбуот анжуманида.

Бу фикрларни Новак "Милан" - "Аталанта" баҳси аввалида айтиб ўтганди. Ўйин эса миланликларнинг 2:0 ҳисобидаги ғалабаси билан якунланди.