"Vulverxempton" yarim himoyachisi Ruben Nevesh "Barselona"ga o‘tishi mumkin, deb xabar beradi Sport.es.

Manbaga ko‘ra, 25 yoshli portugaliyalik futbolchi Chempionlar ligasida o‘ynashni istamoqda.

Kataloniyaliklar bosh murabbiyi Xavi o‘z navbatida yarim himoyachi Serxio Busketsning o‘rnini uzoq muddatga to‘ldiruvchi futbolchi qidirmoqda.

Joriy mavsumda Nevesh "bo‘rilar" tarkibida 35 ta o‘yinda maydonga tushib, 4 ta gol urdi va 2 ta golli uzatmani amalga oshirdi.

Yarim himoyachining shartnomasi 2024 yilning iyunigacha amal qiladi. Transfermarkt portali uni 40 million yevroga baholamoqda.