"Вулверхэмптон" ярим ҳимоячиси Рубен Невеш "Барселона"га ўтиши мумкин, деб хабар беради Sport.es.
Манбага кўра, 25 ёшли португалиялик футболчи Чемпионлар лигасида ўйнашни истамоқда.
Каталонияликлар бош мураббийи Хави ўз навбатида ярим ҳимоячи Серхио Бускетснинг ўрнини узоқ муддатга тўлдирувчи футболчи қидирмоқда.
Жорий мавсумда Невеш "бўрилар" таркибида 35 та ўйинда майдонга тушиб, 4 та гол урди ва 2 та голли узатмани амалга оширди.
Ярим ҳимоячининг шартномаси 2024 йилнинг июнигача амал қилади. Трансфермаркт портали уни 40 миллион еврога баҳоламоқда.
