«Chelsi» bosh murabbiyi Tomas Tuxel ijtimoiy tarmoqlarda yarim himoyachi Meyson Mauntga nisbatan qilingan haqoratlarga izoh berdi.

Eslatib o‘tamiz, Angliya kubogi finalida "Liverpul"ga qarshi o‘yinda (0:0, penaltilar bo‘yicha 5:6) Maunt penaltilar seriyasida hal qiluvchi 11 metrlik zarbani noaniq amalga oshirgan edi.

Nemis mutaxassisi yarim himoyachini jamoa uchun muhimligini ta’kidlab, Mauntni "Chelsi"ning asosiy futbolchisi deb atadi.

“Bu penalti Meyson haqidagi fikrimni o‘zgartirmaydi. U juda yaxshi yigit va biz amalga oshirilmagan penalti sababli unga shubha bilan qaramaymiz.

Hech narsa Mauntni haqorat qilganlarni to‘xtata olmaydi, lekin biz tergov ishlarini davom etishga harakat qilamiz ", - dedi Tuxel Mirror nashriga.

23 yoshli Maunt joriy mavsumda "Chelsi" safida barcha turnirlar doirasida 52 ta o‘yinda maydonga tushib, 13 ta gol urdi va 16 ta golli uzatmani amalga oshirdi.