«Arsenal» bosh murabbiyi Mikel Arteta Angliya chempionatining 37-turi doirasida bo‘lib o‘tgan «Nyukasl»ga qarshi o‘yin (0:2) borasida o‘z fikrini bildirib o‘tdi.

«Nyukasl» g‘alabaga haqli edi, ular bizdan ancha kuchli bo‘lishdi. Bizda hech narsa o‘xshamadi. Raqib bizni har jihatdan ortda qoldirdi, biz to‘p bilan yomon o‘ynadik. Uchrashuv davomida ko‘p narsa sodir bo‘ldi, jarohatlar tufayli majburiy o‘zgarish qilishga majbur bo‘ldik. Ammo bu o‘zimizni oqlash emas.

O‘zimiz istagandek o‘ynay olmadik. Nimanidir o‘zgartirishni urindik, ammo bunday foyda chiqmadi. Ma’lum vaqt yaxshi harakat qildik, ammo dahshatli gollar o‘tkazib yubordik va rejadagi ishni amalga oshira olmadik.

«Nyukasl» bizdan 10 marta kuchli edi. Bu esa hafsalamizni pir qildi. Bugungi o‘yinimiz bilan Chempionlar ligasiga chiqish uchun talab etilgan jihatlardan ancha uzoq bo‘ldik. Qattiq jahlim chiqdi, mag‘lubiyat alamli bo‘ldi. Shu kungacha barchasi bizning qo‘limizda edi. Endi esa bunday emas. Ammo juda kichik bo‘lsa ham umidimiz bor», – dedi Arteta.