Madridning “Real” klubi rahbarlari yozgi transfer oynasida “Napoli”ning kolumbiyalik tajribali darvozaboni David Ospina bilan shartnoma imzolamoqchi.
Marca nashrining yozishicha, 33 yoshli kolumbiyalik darvozabon «qirollik klubi»ning ikkinchi raqamli darvozaboniga aylanishi kerak va belgiyalik Tibo Kurtua o‘rniga maydonga tushadi.
Eslatib o‘tamiz, Ospinaning neapolliklar bilan amaldagi shartnomasi joriy mavsum oxirigacha mo‘ljallangan, shu bois darvozabon “Real”ga tekinga o‘tishi mumkin.
Joriy mavsumda David Ospina Italiya chempionatida 31 ta uchrashuv o‘tkazdi va shulardan 13 tasida o‘z darvozasi dahlsizligini saqlab qolgan. Bungacha kolumbiyalik posbon "Arsenal" va "Nissa" jamoalarida ham o‘ynagan.
