Мадриднинг “Реал” клуби раҳбарлари ёзги трансфер ойнасида “Наполи”нинг колумбиялик тажрибали дарвозабони Давид Оспина билан шартнома имзоламоқчи.
Marca нашрининг ёзишича, 33 ёшли колумбиялик дарвозабон «қироллик клуби»нинг иккинчи рақамли дарвозабонига айланиши керак ва бельгиялик Тибо Куртуа ўрнига майдонга тушади.
Эслатиб ўтамиз, Оспинанинг неаполликлар билан амалдаги шартномаси жорий мавсум охиригача мўлжалланган, шу боис дарвозабон “Реал”га текинга ўтиши мумкин.
Жорий мавсумда Давид Оспина Италия чемпионатида 31 та учрашув ўтказди ва шулардан 13 тасида ўз дарвозаси даҳлсизлигини сақлаб қолган. Бунгача колумбиялик посбон "Арсенал" ва "Ницца" жамоаларида ҳам ўйнаган.
