"Chelsi"ning yangi xo‘jayinlari himoyachi Sezar Aspilikuetani "Barselona"ga tekinga qo‘yib yubormasligi mumkin. Chunki, klubning yangi xo‘jayinlari "ko‘k-anorranglilar"dan futbolchi uchun 11 million yevro talab qilishmoqchi.
Himoyachining “Chelsi” bilan shartnomasi shu yil yakuniga yetdi va Aspilikueta istalgan klubga tekinga o‘tishi mumkin edi. Biroq, klub va futbolchi o‘rtasidagi shartnoma avtomatik ravishda bir yilga uzaytirildi.
Aspilikueta klubning sobiq xo‘jayini bilan yozgi mavsum oralig‘ida transfer bozorida jamoani tekinga tark etish haqida kelishuvga erishgan. Ammo "Chelsi"ning yangi xo‘jayinlari Kataloniya klubidan tovon puli talab qilishi mumkin, deb xabar bermoqda Mundo Deportivo.
Aspilikueta joriy mavsum Premyer-ligada 25 ta o‘yinda maydonga tushib, 1 ta gol urdi va 2 ta golga assistentlik qildi.