"Челси"нинг янги хўжайинлари ҳимоячи Сезар Аспиликуэтани "Барселона"га текинга қўйиб юбормаслиги мумкин. Чунки, клубнинг янги хўжайинлари "кўк-анорранглилар"дан футболчи учун 11 миллион евро талаб қилишмоқчи.
Ҳимоячининг “Челси” билан шартномаси шу йил якунига етди ва Аспиликуэта исталган клубга текинга ўтиши мумкин эди. Бироқ, клуб ва футболчи ўртасидаги шартнома автоматик равишда бир йилга узайтирилди.
Аспиликуэта клубнинг собиқ хўжайини билан ёзги мавсум оралиғида трансфер бозорида жамоани текинга тарк этиш ҳақида келишувга эришган. Аммо "Челси"нинг янги хўжайинлари Каталония клубидан товон пули талаб қилиши мумкин, деб хабар бермоқда Mundo Deportivo.
Аспиликуэта жорий мавсум Премьер-лигада 25 та ўйинда майдонга тушиб, 1 та гол урди ва 2 та голга ассистентлик қилди.
