"Inter" bosh direktori Beppe Marotta hujumchi Lautaro Martinesni sotmoqchi emas va jamoaning kelajakdagi o‘yinini Martines-Dibala tandemi atrofida qurmoqchi.

Martinesning kelajagi noaniqligicha qolmoqda. Oldinroq "Inter" moliyaviy holatini yaxshilash maqsadida argentinalikni sotish niyatida ekani haqida ma’lumotlar paydo bo‘lgandi.

Biroq Italiya OAVlarining fikricha, klub 24 yoshli futbolchini jamoada saqlab qolmoqchi va uning atrofida jamoa o‘yini tashkil qilmoqchi. Shuningdek, "neradzurrilar" mavsum oxirida “Yuventus”ni tark etadigan hujumchi Paolo Dibalani ham o‘z safiga qo‘shib olmoqchi.

Ma’lumot o‘rnida, Martines joriy mavsum A Seriyada 34 ta o‘yin o‘tkazib, 21 ta gol va 3 ta golli uzatmani amalga oshirdi.