"Интер" бош директори Беппе Маротта ҳужумчи Лаутаро Мартинесни сотмоқчи эмас ва жамоанинг келажакдаги ўйинини Мартинес-Дибала тандеми атрофида қурмоқчи.
Мартинеснинг келажаги ноаниқлигича қолмоқда. Олдинроқ "Интер" молиявий ҳолатини яхшилаш мақсадида аргентиналикни сотиш ниятида экани ҳақида маълумотлар пайдо бўлганди.
Бироқ Италия ОАВларининг фикрича, клуб 24 ёшли футболчини жамоада сақлаб қолмоқчи ва унинг атрофида жамоа ўйини ташкил қилмоқчи. Шунингдек, "нерадзуррилар" мавсум охирида “Ювентус”ни тарк этадиган ҳужумчи Паоло Дибалани ҳам ўз сафига қўшиб олмоқчи.
Маълумот ўрнида, Мартинес жорий мавсум А Серияда 34 та ўйин ўтказиб, 21 та гол ва 3 та голли узатмани амалга оширди.
