Calciomercato nashri tarqatgan ma’lumotga qaraganda, Rimning "Lasio" klubi "Liverpul" futbolchisi Takumi Minaminoga qiziqish bildirmoqda.

Yurgen Klopp asosiy tarkibdan muntazam o‘ynamayotgan yaponiyalik futbolchisi yozda qo‘yib yuborga tayyor ekanligini bildirgandi.

Minamino "Liverpul"ga 2020 yilning yanvarida Avstriyaning "Zalsburg" jamoasidan kelib qo‘shilgan edi. O‘shandan beri asosan zaxiradan asosiy o‘yinchilarning o‘rniga maydonga tushdi.

Joriy mavsumda futbolchi Premyer-ligada 11 ta o‘yin o‘tkazib, 3 ta gol urishga erishdi.