"Barselona" hujumchisi Memfis Depay faoliyatini Angliya Premyer-ligasida davom ettirishi mumkin. 28 yoshli futbolchining xizmatlariga "Arsenal", "Everton" va "Nyukasl Yunayted" klublari qiziqish bildirmoqda, deb xabar beradi Sport.es.
Manbaga ko‘ra, "kanonirlar" niderlandiyalik futbolchini yozda "Arsenal"ni tekinga tark etishi mumkin bo‘lgan Aleksandr Lyakazett va Edvard Nketyaning o‘rniga qo‘lga kiritmoqchi.
Oldinroq ispan klubi 28 yoshli futbolchini jamoani kuchaytirish uchun mablag‘ yig‘ish maqsadida sotishga tayyorligi ma’lum bo‘lgandi. Depayning amaldagi shartnomasi kelasi mavsum oxirida tugaydi.