"Барселона" ҳужумчиси Мемфис Депай фаолиятини Англия Премьер-лигасида давом эттириши мумкин. 28 ёшли футболчининг хизматларига "Арсенал", "Эвертон" ва "Ньюкасл Юнайтед" клублари қизиқиш билдирмоқда, деб хабар беради Sport.es.
Манбага кўра, "канонирлар" нидерландиялик футболчини ёзда "Арсенал"ни текинга тарк этиши мумкин бўлган Александр Ляказетт ва Эдвард Нкетьянинг ўрнига қўлга киритмоқчи.
Олдинроқ испан клуби 28 ёшли футболчини жамоани кучайтириш учун маблағ йиғиш мақсадида сотишга тайёрлиги маълум бўлганди. Депайнинг амалдаги шартномаси келаси мавсум охирида тугайди.
