"Lester" bosh murabbiyi Brendan Rojers Angliya chempionatining 27-turidan o‘rin olgan qoldirilgan uchrashuvda "Chelsi" bilan 1:1 hisobidagi durangdan so‘ng jamoaning joriy mavsumdagi o‘yinidan qoniqish hosil qilganini ta’kidladi.
“Bugun o‘tkazib yuborilgan goldan hafsalamiz pir bo‘ldi. Bizda konsentrasiya darajasi yaxshi bo‘lganidan tashqari, ortiqcha qo‘rquv yo‘q edi. "Chelsi" o‘tgan yili Yevropa chempionligini qo‘lga kiritgan yuqori darajadagi jamoa. Agar siz ularga ko‘p bo‘shliq bersangiz, ular sizga zarar yetkazishi aniq.
Biz uchun o‘tkazilgan o‘yinlar va futbolchilar to‘plagan tajriba jihatidan ajoyib mavsum bo‘ldi. Turnir jadvalida sakkizinchi o‘rinni egallash imkoniyati bor. O‘ylaymanki, bu mavsumda bizga qarshi bo‘lgan barcha narsalar bilan 8-o‘rinni egallash yaxshi natija bo‘ladi. Menimcha, o‘yinchilar juda yaxshi harakat qilishdi", - deya Rojersning so‘zlaridan iqtibos keltiradi BBC.
