Hujumchi Kilian Mbappe "PSJ" bilan yangi shartnoma borasida kelishib oldi, deb xabar beradi Foot Mercato.

Oldinroq hujumchi "Real" bilan ham kelishib olgani xabar qilingandi. Mbappe faoliyatini qayerda davom ettirishi haqida 22 may kuni e’lon qiladi.

Shuningdek, Parij klubi rahbariyati misli ko‘rilmagan qadam tashlab, hujumchiga nafaqat katta maosh va bonuslar, balki klub ichidagi sport operasiyalarini nazorat qilish imkoniyatini ham taklif qilgani haqida ham ma’lumotlar bor edi.

Joriy mavsumda futbolchi Fransiya chempionatida 34 ta o‘yin o‘tkazib, 25 ta gol urdi va 17 ta golli uzatmani amalga oshirdi.