"Sassuolo" hujumchisi Janluka Skamakka faoliyatini Angliya Premyer-ligasida davom ettirishi mumkin.
Uning xizmatlariga "Nyukasl" qiziqish bildirmoqda. Saudiya Arabistonilik xo‘jayin tomonidan qo‘llab-quvvatlanayotgan "Nyukasl" italiyalik futbolchining transferi uchun A Seriya yetakchilari "Milan" va "Inter" bilan raqobatlashmoqchi.
23 yoshli Skamakka A Seriyadagi ikkinchi mavsumini o‘tkazmoqda. Futbolchi "Sassuolo"dagi o‘yinlari bilan ko‘plab top-klublarni hayratda qoldirdi. Italiya chempionatining joriy mavsumida Janluka raqiblar darvozasiga 16 ta gol urdi.
Ilgari "Inter" iste’dodli hujumchi uchun kurashda favorit deb atalgan, ammo klubning moliyaviy muammolari tufayli kelishuv ehtimoli sezilarli darajada kamaydi.
