"Manchester Yunayted" va "Tottenxem" "Ayntraxt" himoyachisi Evan Ndikaga qiziqish bildirmoqda, deya xabar beradi jurnalist Fabris Xokins.
Manbaga ko‘ra, 22 yoshli fransiyalik futbolchiga "Monako" ham qiziqish bildirmoqda.
Qayd etilishicha, himoyachi top-klublar qiziqish bildirayotganiga qaramay, "Ayntraxt"da qolishi mumkin.
Eslatib o‘tamiz, Frankfurt klubi joriy mavsumda Yevropa Ligasi finalida "Reynjers"ni mag‘lub etib, turnirda g‘olib chiqdi.
Ndika 2021/22 yilgi mavsumda Frankfurtliklar safida barcha musobaqalarda 44 ta o‘yinda maydonga tushib, 4 ta gol urdi va 4 ta golli uzatmani amalga oshirdi. Uning klub bilan shartnomasi 2023 yilning 30 iyuniga qadar mo‘ljallangan.