"Манчестер Юнайтед" ва "Тоттенхэм" "Айнтрахт" ҳимоячиси Эван Ндикага қизиқиш билдирмоқда, дея хабар беради журналист Фабрис Хокинс.
Манбага кўра, 22 ёшли франциялик футболчига "Монако" ҳам қизиқиш билдирмоқда.
Қайд этилишича, ҳимоячи топ-клублар қизиқиш билдираётганига қарамай, "Айнтрахт"да қолиши мумкин.
Эслатиб ўтамиз, Франкфурт клуби жорий мавсумда Европа Лигаси финалида "Рейнжерс"ни мағлуб этиб, турнирда ғолиб чиқди.
Ндика 2021/22 йилги мавсумда Франкфуртликлар сафида барча мусобақаларда 44 та ўйинда майдонга тушиб, 4 та гол урди ва 4 та голли узатмани амалга оширди. Унинг клуб билан шартномаси 2023 йилнинг 30 июнига қадар мўлжалланган.