"PSJ" hujumchisi Kilian Mbappe Liga 1 yakunlangan mavsumining eng yaxshi to‘purari va assistenti bo‘ldi.
Parijliklarning 23 yoshli hujumchisi 35 ta o‘yin o‘tkazib, 28 ta gol urdi va 17 ta golga assistentlik qildi.
“Monako” futbolchisi Vissam Ben Yedder 25 gol bilan ikkinchi o‘rinni egalladi. Uchinchi o‘rinni har biri 21 tadan gol urgan Martin Terye (“Renn”) va Mussa Dembele ("Lion") bo‘lishib olishdi.
Eng yaxshi assistentlar ro‘yxatida 14 ta golli uzatmani amalga oshirgan Lionel Messi ikkinchi o‘rinni egalladi. Benjamin Burigo 13 ta golli uzatma bilan uchinchi o‘rinni egalladi.
Oldinroq Mbappe klub bilan shartnomasini uzaytirgandi. Bu haqda parijliklarning ijtimoiy tarmoqlarida xabar berildi. 23 yoshli hujumchining klub bilan tuzgan yangi shartnomasi 2025 yilning iyunigacha mo‘ljallangan.