"ПСЖ" ҳужумчиси Килиан Мбаппе Лига 1 якунланган мавсумининг энг яхши тўпурари ва ассистенти бўлди.

Парижликларнинг 23 ёшли ҳужумчиси 35 та ўйин ўтказиб, 28 та гол урди ва 17 та голга ассистентлик қилди.

“Монако” футболчиси Виссам Бен Йеддер 25 гол билан иккинчи ўринни эгаллади. Учинчи ўринни ҳар бири 21 тадан гол урган Мартин Терье (“Ренн”) ва Мусса Дембеле ("Лион") бўлишиб олишди.

Энг яхши ассистентлар рўйхатида 14 та голли узатмани амалга оширган Лионель Месси иккинчи ўринни эгаллади. Бенжамин Буриго 13 та голли узатма билан учинчи ўринни эгаллади.

Олдинроқ Мбаппе клуб билан шартномасини узайтирганди. Бу ҳақда парижликларнинг ижтимоий тармоқларида хабар берилди. 23 ёшли ҳужумчининг клуб билан тузган янги шартномаси 2025 йилнинг июнигача мўлжалланган.