Myunxenning "Bavariya" klubi hujumchisi Robert Levandovskining agenti Pini Zaxavi futbolchining kelajagi haqida gapirdi.
"Levandovskida o‘zi orzu qilgan klubida o‘ynash imkoniyati bor. Nega "Bavariya" uni bu imkoniyatdan mahrum etishi kerak?
"Bavariya"dan hech qanday taklif bo‘lmagan. Gap shundaki, Robert 8 yillik hamkorlikdan so‘ng "Bavariya"ni tark etishni istaydi va bu davrda u klubga bor kuchini berdi. Endi, qariyb 34 yoshda, u butun umrlik orzusini amalga oshirish imkoniyatiga ega
Levandovski shu yozda ketishni istayapti, unga ham, menga ham pul qiziq emas, ammo, bir necha oydan beri u rahbariyatning hurmatini his qilmayapti, "Bavariya" Levani nafaqat futbolchi, balki shaxs sifatida ham yo‘qotdi.
Aslida men omma oldida gapirmoqchi emasdim. Men "Bavariya"ni juda hurmat qilaman, ammo klubning so‘nggi bayonotlariga o‘z munosabatimni bildirmasdan boshqa ilojim yo‘q edi", - dedi Zaxavi.
Avvalroq 33 yoshli polyak "Barselona" bilan shaxsiy shartnoma shartlarini kelishib olgani ma’lum bo‘lgan edi.
