Superliga 10-tur doirasidan o‘rin olgan  “So‘g‘diyona” - “Qo‘qon-1912”  uchrashuvi 24-may  kuni Jizzax shahrida bo‘lib o‘tadi. Mazkur bahs oldidan bu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.

O‘zaro o‘yinlar
Bu jamoalar shu paytga qadar chempionat doirasida 32 marta to‘qnash kelishgan. Bu safargi to‘qnashuv jamolarning o‘zaro 33-uchrashuvi hisoblanadi.

O‘yinlarning 9 tasida qo‘qonliklar zafar quchishgan, 15 ta bahsda jizzaxliklar qo‘li baland kelgan. Sakizta uchrashuvda durang natija qayd etilgan.

To‘plar nisbati  52-38, “So‘g‘diyona” foydasiga. O‘zaro o‘yinlarda “Qo‘qon-1912” 35 ochkoni qo‘lga kiritgan. “So‘g‘diyona”ning ochkosi 53 tani tashkil etadi.

“So‘g‘diyona” maydonida o‘tgan so‘nggi 6 uchrashuv:

16.10.2021  «SO‘G‘DIYONA» – «QO‘QON-1912» - 1:1
21.09.2020 «So‘g‘diyona» – «Qo‘qon-1912» 3:0
22.06.2019 «So‘g‘diyona» – «Qo‘qon-1912» 2:2
19.10.2018 «So‘g‘diyona» – «Qo‘qon-1912» 1:0
25.04.2018 «So‘g‘diyona» – «Qo‘qon-1912» 1:1
19.11.2017 «So‘g‘diyona» – «Qo‘qon-1912» 2:1

Hakamlar

O‘zPFL Cola  superliganing 10-turida ishlaydigan rasmiylar ro‘yxatini e’lon qildi. Unga ko‘ra Jizzaxda bo‘lib o‘tadigan “So‘g‘diyona” – “Qo‘qon-1912” jamoalari o‘rtasidagi bahsni Firdavs Norsafarov boshchiligidagi hakamlar guruhi boshqarib borishadi. Uchrashuvda  VAR tizimidan ham foydalaniladi. VAR hakami sifatida Ilgiz Tantashev ishlaydi.

SO‘G‘DIYONA – QO‘QON-1912
Hakamlar: Firdavs Norsafarov, Andrey Sapenko, Timur Gaynullin, Doston Rahmonov
Nazoratchi: Konstantin Smirnov
VAR hakami: Ilgiz Tantashev
VAR assistent: Ruslan Serazetdinov
Komissar: Qudrat Madraimov.

Boshlanish vaqtlari
“So‘g‘diyona” - “Qo‘qon-1912”  uchrashuvi 24-may  kuni Jizzax shahridagi “So‘g‘diyona” stadionida, soat 19:00da start olishi belgilab qo‘yilgan.
Ushbu jamoalarining o‘rinbosarlar tarkiblari o‘rtasidagi bahs esa 25-may kuni bo‘lib o‘tadi.

Fakt: Jizzaxda bo‘lib o‘tgan so‘nggi 6ta o‘yinda “So‘g‘diyona” "Qo‘qon-1912"ga mag‘lub bo‘lmagan. Uch g‘alaba va uch durang!