Braziliyalik “Liverpul” darvozaboni Alisson Angliya Premyer-ligasining so‘nggi turidan o‘rin olgan o‘yinlar haqida o‘z fikrlari bilan o‘rtoqlashdi.
"O‘sha o‘yinga ta’sir o‘tkazish imkoniyatimiz yo‘q edi. Biz bor e’tiborimizni faqat o‘yinimizga qaratdik. Muxlislar u yerda nimalarnidir nishonlashayotgani, jonlanishayotganini eshitdik, ammo bizning o‘z vazifamiz bor edi va biz uni bajardik.
Bu yetarli emas edi va bu uyat, chunki biz juda qattiq ishladik. Biz 92 ochko to‘pladik, bu odatda istalgan chempionatda chempionlik uchun yetarli, lekin bu yerda emas. "Manchester Siti"ni tabriklayman", deb Alissonning so‘zlaridan iqtibos keltirgan Sky Sports.
