Бразилиялик “Ливерпуль” дарвозабони Алиссон Англия Премьер-лигасининг сўнгги туридан ўрин олган ўйинлар ҳақида ўз фикрлари билан ўртоқлашди.
"Ўша ўйинга таъсир ўтказиш имкониятимиз йўқ эди. Биз бор эътиборимизни фақат ўйинимизга қаратдик. Мухлислар у ерда нималарнидир нишонлашаётгани, жонланишаётганини эшитдик, аммо бизнинг ўз вазифамиз бор эди ва биз уни бажардик.
Бу етарли эмас эди ва бу уят, чунки биз жуда қаттиқ ишладик. Биз 92 очко тўпладик, бу одатда исталган чемпионатда чемпионлик учун етарли, лекин бу ерда эмас. "Манчестер Сити"ни табриклайман", деб Алиссоннинг сўзларидан иқтибос келтирган Sky Sports.
