Portugaliyalik hujumchi Krishtianu Ronaldu Angliya Premer-ligasining so‘nggi mavsumida "Manchester Yunayted"ning asosiy o‘yinchisi bo‘ldi. ESPN xabariga ko‘ra, futbolchi mankunianliklar tarkibida ko‘rinish bermagan ichki chempionat o‘yinlarida jamoa biror marta ham g‘alaba qozonmagan.
APL so‘nggi uchrashuvida “qizil iblislar” “Kristal Pelas”ga 0:1 hisobida imkoniyatni boy berib, turnir jadvalida bor-yo‘g‘i oltinchi o‘rinni egalladi. Krishtianu bu uchrashuvda ishtirok etmadi.
37 yoshli forvard o‘tgan mavsumda APLda 30ta o‘yinda maydonga tushib, 18ta gol urgan. Uning klub bilan shartnomasi kelasi yozgacha amal qiladi.