Португалиялик ҳужумчи Криштиану Роналду Англия Премер-лигасининг сўнгги мавсумида "Манчестер Юнайтед"нинг асосий ўйинчиси бўлди. ESPN хабарига кўра, футболчи манкунианликлар таркибида кўриниш бермаган ички чемпионат ўйинларида жамоа бирор марта ҳам ғалаба қозонмаган.
АПЛ сўнгги учрашувида “қизил иблислар” “Кристал Пэлас”га 0:1 ҳисобида имкониятни бой бериб, турнир жадвалида бор-йўғи олтинчи ўринни эгаллади. Криштиану бу учрашувда иштирок этмади.
37 ёшли форвард ўтган мавсумда АПЛда 30та ўйинда майдонга тушиб, 18та гол урган. Унинг клуб билан шартномаси келаси ёзгача амал қилади.
