"Manchester Siti" yarim himoyachisi Ilkay Gyundogan "Arsenal"ga o‘tishi mumkin, deb xabar beradi Daily Star Sunday.
Manbaga ko‘ra, "shaharliklar" rahbariyati Germaniya terma jamoasining 31 yoshli futbolchisini qo‘yib yuborishga tayyor.
Gyundogan joriy mavsumda “Siti” safida 43 ta o‘yinda maydonga tushib, 10 ta gol va 6 ta golli uzatmani amalga oshirdi. Jumladan, 38-tur o‘yinida “Aston Villa”ga qarshi o‘yinda dubl qayd etib, jamoasiga so‘nggi 5 yildagi to‘rtinchi Premyer-liga chempionligini keltirdi.
Gyundoganning shartnomasi 2023 yilning iyunigacha amal qiladi.
