"Манчестер Сити" ярим ҳимоячиси Илкай Гюндоган "Арсенал"га ўтиши мумкин, деб хабар беради Daily Star Sunday.

Манбага кўра, "шаҳарликлар" раҳбарияти Германия терма жамоасининг 31 ёшли футболчисини қўйиб юборишга тайёр.

Гюндоган жорий мавсумда “Сити” сафида 43 та ўйинда майдонга тушиб, 10 та гол ва 6 та голли узатмани амалга оширди. Жумладан, 38-тур ўйинида “Астон Вилла”га қарши ўйинда дубл қайд этиб, жамоасига сўнгги 5 йилдаги тўртинчи Премьер-лига чемпионлигини келтирди.

Гюндоганнинг шартномаси 2023 йилнинг июнигача амал қилади.