O‘zbekiston chempionatining 10-turi doirasida «Bunyodkor» o‘z maydonida «Nasaf»ni qabul qildi. Bu o‘yinda qarshiliklar o‘zlarini uydagidek his qilishdi. Chilonzordagi "Bunyodkor" stadionga 10 ming atrofida qashqadaryolik muxlis tashrif buyurdi va "ajdarlar"ni qo‘o‘lab-quvvatlab turishdi.

HIsobni "qaldirg‘ochlar" ochishdi: Tomiva to‘p uchun kurashda himoyachidan ustun keldi va yakkama-yakka vaziyatda darvozani ishg‘ol qildi.

Shundan so‘ng esa "Nasaf"ning benefisi boshlandi. 36-daqiqada Oybek Bozorov chiroyli gol bilan muvozanatni tiklagan bo‘lsa, oradan 4 daqiqa o‘tib Muhitdinov 25 metrlardan yo‘llangan jarima zarbasi orqali jamoasini oldinga olib chiqdi.

Qarshiliklar ikkinchi taymda ham tashabbusni o‘zlarida ushlab turishdi va yana ikki marta "Bunyodkor" darvozasi tomon yo‘l olishdi. Dastlab Oybek Bozorov, so‘ngra Husayn Norchayev toshkentliklar posbonini xafa qilishdi — 1:4.

"Nasaf" ushbu g‘alabadan so‘ng o‘z ochkolarini 18taga yetkazib, jadvalda 2-o‘ringa ko‘tarildi. Jamoa qolganlarga nisbatan kamroq o‘yin o‘tkazganini inobatga olish zarur. "Bunyodkor" esa 12 ochko bilan 8-pog‘onada qoldi.

Superliga, 10-tur
24 may, seshanba
«Bunyodkor» — «Nasaf» 1:4
Gollar: 1:0 — 23 Tomiva, 1:1 — 36 Bozorov, 1:2 — 40 Muhiddinov, 1:3 — 57 Bozorov, 1:4 — 69 Norchayev.
"Bunyodkor": 91. Zafar Safoyev, 4. Davron Ergashev (s), 5. Dilshod Jo‘rayev, 6. Avazbek O‘lmasaliyev, 7. Odiljon Abdurahmonov, 8. Fransis Narx, 17. Farhod Mirahmatov, 22. Usmonali Usmonaliyev, 34. Suhrob Izzatov, 37. Muhammadodil Qahramonov, 49. Ibrohim Tomiva
"Nasaf": 1. Umidjon Ergashev, 4. Husniddin Aliqulov, 5. G‘olib G‘aybullayev, 7. Sharof Muhitdinov, 8. Dilshod Saitov, 10. Husayn Norchayev, 18. Bahrom Abdurahimov, 22. Akmal Mozgovoy, 77. Oybek Bozorov, 88. Marko Stanoyevich, 92. Umar Eshmurodov (s)
Hakamlar: Shavkat Nasibullayev, Aleksandr Sidorov, Alisher Usmonov, Husan Muzaffarov