Ўзбекистон чемпионатининг 10-тури доирасида «Бунёдкор» ўз майдонида «Насаф»ни қабул қилди. Бу ўйинда қаршиликлар ўзларини уйдагидек ҳис қилишди. Чилонзордаги "Бунёдкор" стадионга 10 минг атрофида қашқадарёлик мухлис ташриф буюрди ва "аждарлар"ни қўўлаб-қувватлаб туришди.

ҲИсобни "қалдирғочлар" очишди: Томива тўп учун курашда ҳимоячидан устун келди ва яккама-якка вазиятда дарвозани ишғол қилди.

Шундан сўнг эса "Насаф"нинг бенефиси бошланди. 36-дақиқада Ойбек Бозоров чиройли гол билан мувозанатни тиклаган бўлса, орадан 4 дақиқа ўтиб Муҳитдинов 25 метрлардан йўлланган жарима зарбаси орқали жамоасини олдинга олиб чиқди.

Қаршиликлар иккинчи таймда ҳам ташаббусни ўзларида ушлаб туришди ва яна икки марта "Бунёдкор" дарвозаси томон йўл олишди. Дастлаб Ойбек Бозоров, сўнгра Ҳусайн Норчаев тошкентликлар посбонини хафа қилишди — 1:4.

"Насаф" ушбу ғалабадан сўнг ўз очколарини 18тага етказиб, жадвалда 2-ўринга кўтарилди. Жамоа қолганларга нисбатан камроқ ўйин ўтказганини инобатга олиш зарур. "Бунёдкор" эса 12 очко билан 8-поғонада қолди.

Суперлига, 10-тур
24 май, сешанба
«Бунёдкор» — «Насаф» 1:4
Голлар: 1:0 — 23 Томива, 1:1 — 36 Бозоров, 1:2 — 40 Муҳиддинов, 1:3 — 57 Бозоров, 1:4 — 69 Норчаев.
"Бунёдкор": 91. Зафар Сафоев, 4. Даврон Эргашев (с), 5. Дилшод Жўраев, 6. Авазбек Ўлмасалиев, 7. Одилжон Абдураҳмонов, 8. Франсис Нарх, 17. Фарҳод Мираҳматов, 22. Усмонали Усмоналиев, 34. Суҳроб Иззатов, 37. Муҳаммадодил Қаҳрамонов, 49. Иброҳим Томива
"Насаф": 1. Умиджон Эргашев, 4. Ҳусниддин Алиқулов, 5. Ғолиб Ғайбуллаев, 7. Шароф Муҳитдинов, 8. Дилшод Саитов, 10. Ҳусайн Норчаев, 18. Баҳром Абдураҳимов, 22. Акмал Мозговой, 77. Ойбек Бозоров, 88. Марко Станоевич, 92. Умар Эшмуродов (с)
Ҳакамлар: Шавкат Насибуллаев, Александр Сидоров, Алишер Усмонов, Ҳусан Музаффаров