Yarim himoyachi Meyson Maunt "Chelsi" bilan shartnomani uzaytirishni muhokama qilishga tayyor, deya xabar berdi insayder Fabrisio Romano.

Yangi shartnomalar va keyingi transferlardagi cheklovlar "ko‘klar"ga hozir 23 yoshli futbolchi bilan shartnomani yangilashiga to‘sqinlik qilmoqda. Biroq yaqin kelajakda klub yangi xo‘jayinlar qo‘liga o‘tishi kerak, bu esa jamoaga yangi shartnomalar tuzish imkonini beradi.

Maunt London klubi bilan yangi shartnoma imzolashga tayyor va moliyaviy vaziyat barqarorlashganidan keyin muzokaralar uchun ochiq.

Yarim himoyachining “Chelsi” bilan amaldagi shartnomasi 2024 yilning yozida yakuniga yetadi.

U joriy mavsumda barcha musobaqalarda 53 ta o‘yinda maydonga tushib, 13 ta gol urdi va 16 ta golli uzatmani amalga oshirdi.