Ярим ҳимоячи Мэйсон Маунт "Челси" билан шартномани узайтиришни муҳокама қилишга тайёр, дея хабар берди инсайдер Фабрицио Романо.

Янги шартномалар ва кейинги трансферлардаги чекловлар "кўклар"га ҳозир 23 ёшли футболчи билан шартномани янгилашига тўсқинлик қилмоқда. Бироқ яқин келажакда клуб янги хўжайинлар қўлига ўтиши керак, бу эса жамоага янги шартномалар тузиш имконини беради.

Маунт Лондон клуби билан янги шартнома имзолашга тайёр ва молиявий вазият барқарорлашганидан кейин музокаралар учун очиқ.

Ярим ҳимоячининг “Челси” билан амалдаги шартномаси 2024 йилнинг ёзида якунига етади.

У жорий мавсумда барча мусобақаларда 53 та ўйинда майдонга тушиб, 13 та гол урди ва 16 та голли узатмани амалга оширди.