"Manchester Yunayted" "Norvich"ning o‘ng qanot himoyachisi Maks Aaronsga qiziqish bildirmoqda. Football League World xabariga ko‘ra, angliyalik bilan kelishuvga erishish mumkin.
Aarons "Manchester Yunayted"ning yosh futbolchisi Itan Leyrdga almashtirilishi mumkin. 22 yoshli Aarons Angliya premyer-ligasining joriy mavsumida ikkita golli uzatmani amalga oshirdi.
Avvalroq Aarons xizmatlariga Myunxenning “Bavariya”si qiziqayotgan edi. Nemis klubi angliyalik futbolchining nomzodini jiddiy ko‘rib chiqdi, ammo yakunda "Norvich"ga kerakli summani to‘lashdan bosh tortdi.
