"Roma" afsonasi Franchesko Totti "PSJ" hujumchisi Kilian Mbappening "Real"ga o‘tishni rad etishi bilan bog‘liq vaziyatga izoh berdi.

“U yuragiga quloq solgan, Parijda o‘sgan. “Real”ga “yo‘q” deyish oson emas. Men buni 20 yil oldin “Roma”da qolish uchun qilganman”, dedi “Roma”ning sobiq hujumchisi.

2002 yilda Totti "Real" taklifini qabul qilmadi va faoliyatini "Roma"da davom ettirdi.

Totti ham Konferensiyalar ligasi finali haqida o‘z fikri bilan o‘rtoqlashdi.

“Men o‘zim maydonga tushishni istardim. Bu hammaga yoqadi", dedi u Sky Sports Italia nashriga bergan intervyusida.

Konferensiyalar ligasi finali 25 may, chorshanba kuni bo‘lib o‘tadi. Final uchrashuvida “Roma” “Feyenoord” bilan kuch sinashadi.