"Рома" афсонаси Франческо Тотти "ПСЖ" ҳужумчиси Килиан Мбаппенинг "Реал"га ўтишни рад этиши билан боғлиқ вазиятга изоҳ берди.
“У юрагига қулоқ солган, Парижда ўсган. “Реал”га “йўқ” дейиш осон эмас. Мен буни 20 йил олдин “Рома”да қолиш учун қилганман”, деди “Рома”нинг собиқ ҳужумчиси.
2002 йилда Тотти "Реал" таклифини қабул қилмади ва фаолиятини "Рома"да давом эттирди. Тотти ҳам Конференциялар лигаси финали ҳақида ўз фикри билан ўртоқлашди.
“Мен ўзим майдонга тушишни истардим. Бу ҳаммага ёқади", деди у Sky Sports Italia нашрига берган интервьюсида.
Конференсиялар лигаси финали 25 май, чоршанба куни бўлиб ўтади. Финал учрашувида “Рома” “Фейеноорд” билан куч синашади.
