Pro-liganing 10-turidan o‘rin olgan "Mash’al" — "Buxoro" (2:1) uchrashuvidan so‘ng mezbonlar bosh murabbiyi Dilyaver Vaniyev matbuot anjumanida ishtirok etib, o‘z fikrlar bilan o‘rtoqlashdi.

— Bugungi o‘yinda juda ko‘plab vaziyatlar yaratdik. Shunday ekan, nega mag‘lubiyat yoki durang haqida o‘ylashimiz kerak? Golli vaziyatlarni ko‘proq yuzaga keltirdikmi, demak g‘alabaga haqli edik. O‘yinning yakuni ham biz istagandek bo‘ldi va g‘alabani ilib ketdik. Bugungi o‘yin har ikki jamoa uchun juda og‘ir o‘tdi. Garchi o‘yin oxirida gol kiritib g‘alabaga erishgan bo‘lsak ham maydonda haqiqiy kurash kechdi. Muhim g‘alabani qo‘lga kiritdik va olg‘a intilishda davom etamiz.

— "Mash’al" darvozasiga belgilangan penalti haqida fikringiz qanday?
— Hakam o‘sha vaziyatda penalti belgiladimi, demak shunga yarasha asosi bo‘lgan. Men hakamlarning xatolarini muhokama qilmoqchi emasman.