"Roma" bosh murabbiyi Joze Mourinyo Konferensiyalar ligasi finalida "Feyenoord" ustidan qozonilgan g‘alabadan so‘ng (1:0) matbuot anjumanida o‘z fikrlarini bildirib o‘tdi.

"Biz tarixni qayta yozdik. Eng boshida bu turnirda g‘alaba qozonishimizga ishongan edik. Hozir miyamda juda ko‘p o‘ylar uchmoqda. Men o‘zimni haqiqiy "romanchi"dek his qilyapman.

G‘alaba qozonish oson emas. Bu turli xil ingrediyentlarni talab qiladi. Jamoamiz 55 ta o‘yin o‘tkazdi, finalga juda charchagan holda keldik, lekin buni ko‘rsatmaslikka harakat qildik va nima bo‘lishidan qat’iy nazar kurashdik. Bizda ajoyib jamoa bor. Men yigitlar bilan faxrlanaman. Ikkinchi bo‘limda biz juda qiynaldik, raqib juda yaxshi o‘ynadi, ular bizni himoyada o‘zgarishlar qilishga majbur qilishdi.

Tarixga kirish uchun finalda ishtirok etishning o‘zi yetarli emas. O‘yin oldidan futbolchilarga mag‘lubiyatga uchragan final haqida gapirib berdim. Bu safar biz g‘alaba qozondik - futbolchilar maydonda borlarini berishdi», - deya Mourino so‘zlarini keltirmoqda UYEFA rasmiy sayti.