"Рома" бош мураббийи Жозе Моуриньо Конференциялар лигаси финалида "Фейеноорд" устидан қозонилган ғалабадан сўнг (1:0) матбуот анжуманида ўз фикрларини билдириб ўтди.

"Биз тарихни қайта ёздик. Энг бошида бу турнирда ғалаба қозонишимизга ишонган эдик. Ҳозир миямда жуда кўп ўйлар учмоқда. Мен ўзимни ҳақиқий "романчи"дек ҳис қиляпман.

Ғалаба қозониш осон эмас. Бу турли хил ингредиентларни талаб қилади. Жамоамиз 55 та ўйин ўтказди, финалга жуда чарчаган ҳолда келдик, лекин буни кўрсатмасликка ҳаракат қилдик ва нима бўлишидан қатъий назар курашдик. Бизда ажойиб жамоа бор. Мен йигитлар билан фахрланаман. Иккинчи бўлимда биз жуда қийналдик, рақиб жуда яхши ўйнади, улар бизни ҳимояда ўзгаришлар қилишга мажбур қилишди.

Тарихга кириш учун финалда иштирок этишнинг ўзи етарли эмас. Ўйин олдидан футболчиларга мағлубиятга учраган финал ҳақида гапириб бердим. Бу сафар биз ғалаба қозондик - футболчилар майдонда борларини беришди», - дея Моурино сўзларини келтирмоқда УЕФА расмий сайти.