Xabaringiz bor, futbolimiz tibbiyoti samaradorligini yangi saviyaga olib chiqish, barcha terma jamoalar, futbol akademiyalari tibbiy xodimlarining malakasini oshirish, ularning faoliyatini zamon talabiga mos ravishda muvofiqlashtirish maqsadida O‘FA qoshida Tibbiy qo‘mita tashkil etildi.

Bugun mazkur qo‘mita vakillari Osiyo kubogiga tayyorgarlik ko‘rayotgan O‘zbekiston U-23 terma jamoasi joylashgan mehmonxonaga tashrif buyurib, futbolchilarning sog‘lig‘i, jismoniy holati, ovqatlanish rasioni va farmakologiyasini o‘rganib chiqdilar.

Uchrashuv davomida, shuningdek, O‘FA tashabbusi bilan barcha yosh toifasidagi terma jamoalar uchun alohida sport shifokorlarini jalb etish yuzasidan keyingi rejalar muhokama qilindi. Bu borada, sohaga yangi kirib kelayotgan kadrlarni malakasini oshirish va ular faoliyatini mukammallashtirish borasida qilinishi kerak bo‘lgan ishlar bo‘yicha o‘zaro fikr almashildi.

O‘z o‘rnida, shu yo‘nalishdagi tajribali mutaxassislar yosh sport shifokorlariga futbolchilarga tibbiy yordam ko‘rsatish, vitaminizasiya va nutrisiologiya bo‘yicha ma’lumotlar berib o‘tdilar.