"Real"ning sobiq bosh murabbiyi Rafael Benites Karim Benzemaning ajoyib o‘yinlari haqida o‘z fikrlari bilan o‘rtoqlashdi.

“Benzema dunyoning eng yaxshi futbolchilaridan biri. U har doim aqlli bo‘lgan, to‘p bilan yaxshi o‘ynadi va hujumlarni qanday tugatishni biladi. Lekin u avvallari xatolarga yo‘l qo‘yardi, hozir esa juda yaxshi. Gap shundaki, u hozir o‘yinni o‘z qo‘liga oladi, o‘z kuchi bilan o‘zgarishlarni amalga oshirishga harakat qiladi, chunki hozir u Krishtianu Ronalduga tayanib o‘ynamaydi”, - dedi ispaniyalik mutaxassis.

Karim Benzema faoliyatidagi eng sermahsul mavsumni o‘tkazmoqda: 34 yoshli fransiyalik barcha musobaqalarda 45 ta o‘yinda maydonga tushib, 44 bor raqiblar darvozasini ishg‘ol qildi.