"Реал"нинг собиқ бош мураббийи Рафаэль Бенитес Карим Бенземанинг ажойиб ўйинлари ҳақида ўз фикрлари билан ўртоқлашди.

“Бензема дунёнинг энг яхши футболчиларидан бири. У ҳар доим ақлли бўлган, тўп билан яхши ўйнади ва ҳужумларни қандай тугатишни билади. Лекин у авваллари хатоларга йўл қўярди, ҳозир эса жуда яхши. Гап шундаки, у ҳозир ўйинни ўз қўлига олади, ўз кучи билан ўзгаришларни амалга оширишга ҳаракат қилади, чунки ҳозир у Криштиану Роналдуга таяниб ўйнамайди”, - деди испаниялик мутахассис.

Карим Бензема фаолиятидаги энг сермаҳсул мавсумни ўтказмоқда: 34 ёшли франциялик барча мусобақаларда 45 та ўйинда майдонга тушиб, 44 бор рақиблар дарвозасини ишғол қилди.