"Leypsig" yarim himoyachisi Kristofer Nkunku faoliyatini Angliya Premyer-ligasida davom ettirishi mumkin.
"Manchester Yunayted" 24 yoshli fransiyalik futbolchining xizmatlariga qiziqish bildirmoqda, deb xabar bermoqda jurnalist Florian Plettenberg.
Manbaga ko‘ra, kelasi hafta "qizil iblislar" Nkunku transferi bo‘yicha rasmiy taklif yuborishi mumkin.
Qayd etilishicha, klub maslahatchisi va sobiq bosh murabbiyi Ralf Rangnik yarim himoyachini sotib olishni rahbariyatga tavsiya qilmoqda.
Nkunkuning "buqalar" bilan amaldagi shartnomasi 2024 yilgacha mo‘ljallangan.
24 yoshli yarim himoyachi joriy mavsum Bundesligada 34 ta o‘yinda maydonga tushib, 20 ta gol urdi va 15 ta golli uzatmani amalga oshirdi.
