"Лейпциг" ярим ҳимоячиси Кристофер Нкунку фаолиятини Англия Премьер-лигасида давом эттириши мумкин.
"Манчестер Юнайтед" 24 ёшли франциялик футболчининг хизматларига қизиқиш билдирмоқда, деб хабар бермоқда журналист Флориан Плеттенберг.
Манбага кўра, келаси ҳафта "қизил иблислар" Нкунку трансфери бўйича расмий таклиф юбориши мумкин.
Қайд этилишича, клуб маслаҳатчиси ва собиқ бош мураббийи Ральф Рангник ярим ҳимоячини сотиб олишни раҳбариятга тавсия қилмоқда.
Нкункунинг "буқалар" билан амалдаги шартномаси 2024 йилгача мўлжалланган.
24 ёшли ярим ҳимоячи жорий мавсум Бундеслигада 34 та ўйинда майдонга тушиб, 20 та гол урди ва 15 та голли узатмани амалга оширди.