"Manchester Yunayted" bosh direktori Richard Arnolld Erik ten Xagning tayinlanishi klubga uzoq muddatli muvaffaqiyatlarga erishishga yordam berishiga ishonch bildirmoqda va u bunga "bir kechada" erishib bo‘lmaydi, deb ogohlantirmoqda.

"Biz muxlislar hafsalasi pir bo‘lganini va o‘zgarishlar hamda yaxshilanishlarni ko‘rishni istashlarini tushunamiz. Men ularni ishontirib aytamanki, biz bu umidsizlikni klub ichida juda ham baham ko‘ramiz" - dedi Arnold klubning ichki yig‘ilishida.

U ten Xag klubning eski an’analarini qayta tiklay olishiga ishonchi komil ekanligini ta’kidladi.

“O‘zgarishlar uzoq muddatli muvaffaqiyatga erishish uchun amalga oshirilayotgan harakatlar bilan birga keladi. Bunga bir kechada erishib bo‘lmaydi, lekin biz bunga erishmoqchimiz”, - deya qo‘shimcha qildi “MYU” bosh direktori.

Erik ten Xag jamoa bosh murabbiyiga aylandi. Katta umidlarga qaramay, «Manchester Yunayted» rahbariyati yozgi transfer oynasida ko‘plab yulduzlarning kelishini kutishga arzimasligini ma’lum qilgan.