Finlyandiyada o‘tayotgan xokkey bo‘yicha Jahon chempionatining chorak final bahslari 26 may, payshanba kuni bo‘lib o‘tdi.

Kanada va Shvesiya o‘rtasidagi o‘yinning dastlabki ikki bo‘limida shvedlar uchta to‘p farqi bilan oldinda borayotgandi. Kanada uchinchi bo‘limda muvozanatni tikladi, qo‘shimcha bo‘limda esa kanadaliklar g‘alabani ilib ketdi.

AQSH terma jamoasi Shveysariyani yirik hisobda yenggan bo‘lsa, chexlar Germaniyadan ustun keldi. Mezbonlar ham ishonchli g‘alaba evaziga yarim final yo‘llanmasini qo‘lga kiritdi.

Yarim finalda Finlyandiya terma jamoasi AQSH bilan o‘ynasa, Kanada Chexiyaga qarshi bahs olib boradi. Uchrashuvlar 28 may kuni bo‘lib o‘tadi.

Eslatib o‘tamiz, Rossiya va Belarus terma jamoalari musobaqadan chetlatilgan. Ularning o‘rnini Fransiya va Avstriya egallagan.

JCH—2022, Chorak final bahslari
26 may, payshanba
Shvesiya – Kanada 3:4 (2:0, 1:0, 0:3, 0:1)
Germaniya – Chexiya 1:4 (0:2, 0:1, 1:1)
Finlyandiya – Slovakiya 4:2 (1:2, 1:0, 2:0)
Shveysariya – AQSH 0:3 (0:2, 0:0, 0:1)