Финляндияда ўтаётган хоккей бўйича Жаҳон чемпионатининг чорак финал баҳслари 26 май, пайшанба куни бўлиб ўтди.

Канада ва Швеция ўртасидаги ўйиннинг дастлабки икки бўлимида шведлар учта тўп фарқи билан олдинда бораётганди. Канада учинчи бўлимда мувозанатни тиклади, қўшимча бўлимда эса канадаликлар ғалабани илиб кетди.

АҚШ терма жамоаси Швейцарияни йирик ҳисобда енгган бўлса, чехлар Германиядан устун келди. Мезбонлар ҳам ишончли ғалаба эвазига ярим финал йўлланмасини қўлга киритди.

Ярим финалда Финляндия терма жамоаси АҚШ билан ўйнаса, Канада Чехияга қарши баҳс олиб боради. Учрашувлар 28 май куни бўлиб ўтади.

Эслатиб ўтамиз, Россия ва Беларусь терма жамоалари мусобақадан четлатилган. Уларнинг ўрнини Франция ва Австрия эгаллаган.

ЖЧ—2022, Чорак финал баҳслари
26 май, пайшанба
Швеция – Канада 3:4 (2:0, 1:0, 0:3, 0:1)
Германия – Чехия 1:4 (0:2, 0:1, 1:1)
Финляндия – Словакия 4:2 (1:2, 1:0, 2:0)
Швейцария – АҚШ 0:3 (0:2, 0:0, 0:1)