"Liverpul" hujumchisi Muhammad Saloh ayni damda dunyoning eng yaxshi futbolchisi kim ekanligi haqida o‘z fikrlarini bildirib o‘tdi.

Ertaga bo‘lib o‘tadigan Chempionlar ligasi finali oldidan BT Sport nashriga bergan intervyusida jurnalistlar Salohdan o‘zingizni sayyoradagi eng zo‘ri deb hisoblaysizmi, deb so‘rashdi.

"Menimcha, ha. Men shunday degan bo‘lardim. Siz boshqasini tanlaysizmi yoki yo‘qmi, men sizning fikringizni hurmat qilaman. Lekin mening fikrimcha, ayni paytda eng zo‘ri menman. Agar mendan boshqasini so‘rasangiz, Benzemani tanlagan bo‘lardim", — deydi Salah..