"Manchester Yunayted" "Benfika" hujumchisi Darvin Nunyes bo‘yicha muzokaralarni to‘xtatdi, deb xabar beradi The Athletic.
"Qizil iblislar" yangi bosh murabbiyi Erik ten Xag shaxsan o‘zi Darvin bilan shartnoma imzolashni talab qilmoqda. Allaqachon dastlabki muzokaralar bo‘lib o‘tgan.
Biroq, ingliz klubi keyingi uchrashuv oldidan biroz kutmoqchi.
Qayd etilishicha, mankunianliklar 22 yoshli hujumchiga katta mablag‘ sarflamoqchi emas.
2021/22 yilgi mavsumda Nunyes Lissabon jamoasi safida barcha musobaqalarda 41 ta o‘yinda maydonga tushib, 34 ta gol urdi va 4 ta golli uzatmani amalga oshirdi.
Uning klub bilan shartnomasi 2025 yilning 30 iyuniga qadar mo‘ljallangan.