"Манчестер Юнайтед" "Бенфика" ҳужумчиси Дарвин Нуньес бўйича музокараларни тўхтатди, деб хабар беради The Athletic.
"Қизил иблислар" янги бош мураббийи Эрик тен Хаг шахсан ўзи Дарвин билан шартнома имзолашни талаб қилмоқда. Аллақачон дастлабки музокаралар бўлиб ўтган.
Бироқ, инглиз клуби кейинги учрашув олдидан бироз кутмоқчи.
Қайд этилишича, манкунианликлар 22 ёшли ҳужумчига катта маблағ сарфламоқчи эмас.
2021/22 йилги мавсумда Нуньес Лиссабон жамоаси сафида барча мусобақаларда 41 та ўйинда майдонга тушиб, 34 та гол урди ва 4 та голли узатмани амалга оширди.
Унинг клуб билан шартномаси 2025 йилнинг 30 июнига қадар мўлжалланган.
